അഫ്രീൻ ഫാത്തിമ : ഹിംസാത്മക പ്രൊപ്പഗണ്ടയുടെ സ്വാഭാവിക തുടർച്ച

     ഐഡിയോളജിയെ ഭയക്കുന്നവർ വയലൻസ് കൊണ്ട് വിമതശബ്ദങ്ങളെ ഇല്ലായ്മ ചെയ്യുന്നതിന്റെ ആഴവും പരപ്പും അഡോൾഫ് ഹിറ്റ്‌ലറുടെ ആത്മകഥയായ മെയിൻകാഫിൽ വിശദമായി പ്രതിപാദിക്കുന്നുണ്ട്. ഇന്ത്യൻ ആക്ടിവിസ്റ്റും ജേണലിസ്റ്റുമായിരുന്ന ഗൗരി ലങ്കേഷ് കൊല്ലപ്പെടുന്നതിന്റെ തൊട്ട് മുമ്പ് കുറിച്ച എഴുത്തിലും സൂചിപ്പിച്ചത് ഇതേ ഹിംസാത്മക ഐഡിയോളയെക്കുറിച്ച് തന്നെയാണ്. വിയോജിക്കുന്നവരുടെ തലക്ക് വില പറയുന്ന സൈദ്ധാന്തിക രാഷ്ട്രീയത്തെ കുറിച്ച്. നാസി ജർമനിയിൽനിന്ന് ഹെഡ്ഗേവാറും ഡോ. മുഞ്ചെയും സവർക്കറുമൊക്കെ ചേർന്ന് കോപ്പിയടിച്ചു കൊണ്ടുവന്നു രൂപപ്പെടുത്തിയ ഹിംസാത്മക ഫാഷിസ്റ്റ് ഹിന്ദുത്വം മോദി-യോഗി-ഭാഗവത് കാലത്തിലെത്തുമ്പോൾ സംഭവിക്കുന്ന സ്വാഭാവികത മാത്രമാണ് ഇപ്പോഴത്തെ 'ബുൾഡോസർ സെക്കുലറിസം'. 1930 കളിൽ ജ​ർ​മ​നി​യി​ൽ നാ​സി ഫാ​ഷി​സ​ത്തി​ന്‍റെ ബു​ൾ​ഡോ​സ​റു​ക​ൾ ചെ​യ്ത​തും ഇ​പ്പോ​ഴും അ​ധി​നി​വി​ഷ്​​ട ഫ​ല​സ്തീ​നി​ൽ ഇസ്രാ​യേ​ലി​ന്‍റെ സ​യ​ണി​സ്റ്റ്​ വം​ശീ​യത ചെ​യ്തു​കൊ​ണ്ടി​രി​ക്കു​ന്ന​തും ഇ​തേ വി​ധ്വം​സ​ന​പ്ര​തി​കാ​ര​മാ​ണ്. ഭരണകൂടം നേരിട്ട് സ്പോൺസർ ചെയ്യുന്ന എവിടെയും ആവർത്തിക്കാമെന്ന അസാമാന്യവും സവിശേഷവുമായ രാഷ്ട്രീയ സാഹചര്യമാണ് നിലവിൽ ഇന്ത്യയിലുള്ളത്.          

                     ബിജെപിയുടെ വർഗീയ ബുൾഡോസർ രാഷ്‌ട്രീയം തുടങ്ങിവച്ചത്‌ ഉത്തർപ്രദേശിൽ യോഗി ആദിത്യനാഥാണ്‌. ന്യൂനപക്ഷവിഭാഗങ്ങളുടെ വീടുകളും കടകളും ഇടിച്ചുനിരപ്പാക്കുകയും ഇതിന്റെ പേരിൽ വർഗീയധ്രുവീകരണം സൃഷ്‌ടിച്ച്‌ രാഷ്‌ട്രീയ മുതലെടുപ്പ്‌ നടത്തുകയും ചെയ്യുന്ന രാഷ്‌ട്രീയം. വർഗീയസംഘർഷങ്ങൾക്ക്‌ ഉത്തരവാദികൾ ന്യൂനപക്ഷങ്ങളാണെന്ന പ്രചാരണത്തിന്റെ അകമ്പടിയിലാണ്‌ ഈ ബുൾഡോസർ പ്രയോഗം. മധ്യപ്രദേശ്‌ അടക്കം ബിജെപി ഭരണത്തിലുള്ള സംസ്ഥാനങ്ങളിൽ ഇതാവർത്തിച്ചുകൊണ്ടേയിരിക്കുന്നു. 

               പൗ​ര​ത്വ​നി​യ​മ ഭേ​ദ​ഗ​തി​ക്കെ​തി​​രാ​യ പ്ര​ക്ഷോ​ഭ​ത്തി​നു മു​ന്നി​ലു​ണ്ടാ​യി​രു​ന്ന യു.​പി​യി​ലെ മു​സ്​​ലിം ആ​ക്ടി​വി​സ്റ്റ്​ അ​ഫ്രീ​ന ഫാ​ത്തി​മ​യെ വേട്ടയാടുകയും പ്ര​യാ​ഗ്​​രാ​ജി​ലെ അവരുടെ വീ​ട്​ ഇ​ടി​ച്ചു​നി​ര​ത്തുകയും ചെയ്തതാണ് ഒടുവിലത്തേത്. അലിഗഢ് യൂണിവേഴ്സിറ്റി യൂണിയന്‍ മുന്‍ പ്രസിഡന്‍റും നിലവിലെ ജെ.എന്‍.യു യൂണിയന്‍ കൌണ്‍സിലറുമാണ് അഫ്രീന്‍ ഫാത്തിമ. ഫ്രറ്റേണിറ്റി മൂവ്‌മെന്‍റിന്റെ ദേശീയ സെക്രട്ടറി കൂടിയാണ്. ഡ​ൽ​ഹി​യിലെ ജ​ഹാം​ഗീ​ർ​പു​രി​യി​ൽ ചെ​യ്ത​തു​പോ​ലെ കു​റ​ഞ്ഞ സ​മ​യ​ത്തി​നു നോ​ട്ടീ​സ്​ ന​ൽ​കി നി​യ​മ​പ​രി​ര​ക്ഷ​ക്കു വ​ഴി​തേ​ടാ​നു​ള്ള അ​വ​സ​ര​മെ​ന്ന സാ​മാ​ന്യ​നീ​തി​പോ​ലും ല​ഭ്യ​മാ​ക്കാ​തെ​യാ​ണ്​ അഫ്രീൻ ഫാത്തിമായുടെ പിതാവിനെയും കുടുംബത്തേയും അ​റ​സ്റ്റ്​ ചെ​യ്തു ജ​യി​ലി​ല​ട​ച്ച ശേ​ഷം വീ​ട്​ ത​ക​ർ​ത്തത്. 

                നി​ല​പാ​ടു​ക​ളു​ടെ പേ​രി​ൽ ഭ​ര​ണ​കൂ​ടം വീ​ട്​ ത​ക​ർ​ത്ത​ ദിവസം രാ​ത്രി അ​ഫ്രീൻ ഫാ​ത്തി​മ​യു​മാ​യി സം​സാ​രി​ച്ച ആ​ർ​ട്ടി​ക്കി​​ൾ 14 മാ​നേ​ജി​ങ്​ എ​ഡി​റ്റ​ർ ബേ​ത്വ ശ​ർ​മയോട് അവൾ പറഞ്ഞ വാക്കുകൾ : ആ​കെ ത​ള​ർ​ന്ന​തു​പോ​ലെ​യു​ണ്ട്, എ​ന്തു ചെ​യ്യ​ണ​മെ​ന്നോ ആ​രെ വി​ളി​ക്ക​ണ​മെ​ന്നോ അ​റി​യു​ന്നി​ല്ല, ഒ​രു ദുഃ​സ്വ​പ്​​ന​ത്തി​ലെ​ന്ന​പോ​ലെ. സ​മൂ​ഹ​മാ​ധ്യ​മ​ങ്ങ​ൾ വ​ഴി ല​ഭി​ക്കു​ന്ന പി​ന്തു​ണ​യോ​ട്​ ഏ​റെ ക​ട​പ്പാ​ടുണ്ട്. എ​ന്നാ​ൽ, നി​ല​വി​ലെ സാ​ഹ​ച​ര്യ​ത്തി​ന്​ എ​ന്തെ​ങ്കി​ലും മാ​റ്റം വ​രു​ത്താ​ൻ അ​തു​കൊ​ണ്ടാ​കു​മെ​ന്ന് ക​രു​തു​ന്നി​ല്ല. ഇ​തു​പോ​ലെ ജീ​വി​ക്കു​ന്ന​ത്​ അ​ൽ​പം ഭ​യാ​ന​കം​ ത​ന്നെ​യാ​ണ്. ഇ​ത്​ പ​ക്ഷേ എ​ന്റെ മാ​ത്രം ക​ഥ​യ​ല്ല, ഇ​ന്ത്യ​യി​ലെ ഏ​തൊ​രു മു​സ്​​ലിം കു​ടും​ബ​ത്തി​​ന്റെ​യും അ​വ​സ്​​ഥ​യാ​ണി​ത്. എ​തി​ർ​ശ​ബ്​​ദം പ്ര​ക​ടി​പ്പി​ക്കു​ന്ന​വ​രു​ടെ വീ​ടു​ക​യ​റി പ്രി​യ​പ്പെ​ട്ട​വ​രെ പൊ​ലീ​സ്​ പി​ടി​ച്ചു​കൊ​ണ്ടു​പോ​യേ​ക്കാ​വു​ന്ന അ​വ​സ്​​ഥ''. 

                    അൽ ജസീറക്ക് നൽകിയ അഭിമുഖത്തിലും അഫ്രീൻ തന്റെ വീടു തകർത്തതിനെ “കുടുംബത്തിനെതിരായ പ്രതികാര നടപടി” എന്നാണ് വിശേഷിപ്പിച്ചത്. അ​ഞ്ചു വ​ർ​ഷ​മാ​യി സജീവമായി ന​ട​ത്തി​വ​രു​ന്ന വി​ദ്യാ​ർ​ഥി പ്ര​വ​ർ​ത്ത​ന​ങ്ങ​ൾ​ക്കി​ട​യി​ൽ നി​ര​വ​ധി അ​വ​സ്​​ഥ​ക​ളെ വി​ഭാ​വ​നം ചെ​യ്​​തി​ട്ടു​ണ്ട്​ അ​​​​​ഫ്രീ​ൻ ഫാത്തിമ. ഭ​ര​ണ​കൂ​ടം തേ​ടി​യെ​ത്തു​മ്പോ​ൾ എ​ന്തു ചെ​യ്യു​മെ​ന്ന​തു സം​ബ​ന്ധി​ച്ച്​ വെ​ൽ​ഫെ​യ​ർ പാ​ർ​ട്ടി നേ​താ​വും ഭ​ര​ണ​കൂ​ട​വി​മ​ർ​ശ​ക​നു​മാ​യ പി​താ​വി​നൊ​പ്പം പ​ണ്ട്​ പ​റ​ഞ്ഞ്​ ചി​രി​ച്ചി​ട്ടു​ണ്ട്. പ​ക്ഷേ, ഭ​ര​ണ​കൂ​ടം പി​താ​വി​നെ​യോ അ​വ​ളെ​യോ മാ​ത്ര​മ​ല്ല, ഉ​മ്മ​യെ​യും അ​നു​ജ​ത്തി​യെ​യും തേ​ടി​യാ​ണ്​ വീ​ട്ടി​ലേ​ക്കു​ ക​യ​റി​വ​ന്ന​ത്. പ​ക​പോ​ക്ക​ൽ എ​ന്നാ​ണ്​ അ​​​ഫ്രീ​ൻ അ​തി​നെ വി​ശേ​ഷി​പ്പി​ച്ച​ത്. ജാ​വേ​ദ്​ മു​ഹ​മ്മ​ദി​നെ​തി​രാ​യ കു​റ്റ​ങ്ങ​ൾ എ​ന്തെ​ല്ലാ​മാ​ണെ​ന്ന​ത്​ സം​ബ​ന്ധി​ച്ച്​ വ്യ​ക്ത​ത​യി​ല്ല. അ​ദ്ദേ​ഹ​ത്തെ നൈ​നി സെ​ൻ​ട്ര​ൽ ജ​യി​ലി​ൽ അ​ട​ച്ചി​രി​ക്കു​ക​യാ​ണെ​ന്നും റി​പ്പോ​ർ​ട്ടു​ക​ളു​ണ്ട്. ഉ​മ്മ​യും അ​നി​യ​ത്തി​യും ക​സ്​​റ്റ​ഡി​യി​ൽ തു​ട​രു​ക​യാ​ണോ എ​ന്ന കാ​ര്യ​ത്തി​ലും കൃ​ത്യ​ത​യി​ല്ല".

                 തകർന്നു കിടക്കുന്ന വീടിനുള്ളിൽ ഉണ്ടായിരുന്ന,“അനീതി നിയമമാകുമ്പോൾ, കലാപം കടമയായി മാറുന്നു,” എന്ന പോസ്റ്റർ ചൂണ്ടിക്കാണിച്ചുകൊണ്ട് “ഇൻക്രിമിനേറ്റിങ് എവിഡെൻസ്” എന്നാണ് മാധ്യമങ്ങൾ വിശേഷിപ്പിച്ചത്. വലത് പക്ഷ രാഷ്ട്രീയത്തിന്റെ മുട്ടിലിഴയുന്ന മീഡിയകളുടെ ഇസ്ലാമോഫോബിക് സ്റ്റാന്റുകൾ അവരുടെ ന്യൂസുകളിൽ പോലും വെളിപ്പെട്ടതാണ്. മണിക്കൂറുകളോളം അഫ്രീൻ ഫാത്തിമയുടെ വീട് തകരുന്നത് മാധ്യമങ്ങൾ ആഘോഷിച്ചു; തകർന്നു കൊണ്ടിരിക്കുന്ന വീടിനു മുന്നിൽ നിന്ന് മാധ്യമപ്രവർത്തകർ ബുൾഡോസർ ചെയ്യുന്നതിന്റെ വിശദമായ വിവരണങ്ങൾ നൽകികൊണ്ടിരുന്നു. അവരുടെ കുടുംബത്തിന്റെ സ്വത്തുക്കൾ- ഫർണിച്ചറുകൾ, ഗവേഷണ പ്രബന്ധങ്ങൾ, പോസ്റ്ററുകൾ, പ്രമാണങ്ങൾ, പുസ്‌തകങ്ങൾ എല്ലാം നശിപ്പിക്കുന്നത് തത്സമയം കാണിക്കുന്നതോടൊപ്പം ഹെഡ് ലൈനിൽ ഇസ്ലാമോഫോബിക് ടൈറ്റിലുകളും ഭരണാനുകൂല ഫൂട്ട്നോട്ടുകളും നൽകി.

                     പ്ര​വാ​ച​ക​നി​ന്ദ​ക്കെ​തി​രാ​യി കഴിഞ്ഞാഴ്ച യു.​പി​യു​ടെ വി​വി​ധ ഭാ​ഗ​ങ്ങ​ളി​ൽ ന​ട​ന്ന പ്ര​തി​ഷേ​ധ​പ്ര​ക​ട​ന​ങ്ങ​ളി​ൽ പലയിടങ്ങളിലായി സം​ഘ​ർ​ഷ​മു​ണ്ടാ​യി​രു​ന്നു. അ​തി​ന്‍റെ പേ​രി​ൽ കാ​ൺ​പു​ർ, സ​ഹാ​റ​ൻ​പു​ർ, പ്ര​യാ​ഗ്​ രാ​ജ്, ല​ഖ്​​നോ, അ​ലീ​ഗ​ഢ്​ എ​ന്നി​വി​ട​ങ്ങ​ളി​ൽ നൂ​റു​ക​ണ​ക്കി​നാ​ളു​ക​ളെ പി​ടി​കൂ​ടി. നി​യ​മ​ത്തി​ന്‍റെ വ​ഴി​യി​ൽ ന​ട​ത്തു​ന്ന​തി​നു​പ​ക​രം വം​ശീ​യ അ​ജ​ണ്ട​യോ​ടെ ത​ങ്ങ​ൾ ത​യാ​റാ​ക്കി​യ പു​തി​യ ഭീ​ക​ര​നി​യ​മ​ങ്ങ​ൾ അ​വ​ർ​ക്കെ​തി​രെ ചു​മ​ത്തു​ക​യാ​ണ്​ ചെ​യ്ത​ത്. പ്ര​തി​ഷേ​ധ​ക്കാ​രു​ടെ വ​രു​മാ​ന​മാ​ർ​ഗ​ങ്ങ​ൾ സ്തം​ഭി​പ്പി​ക്കു​ക, സ്വ​ത്തു​ക്ക​ൾ ക​ണ്ടു​കെ​ട്ടു​ക, കേ​സു​വി​സ്താ​ര​വും വി​ചാ​ര​ണ​യും ശി​ക്ഷാ​വി​ധി​യു​മൊ​ന്നും കാ​ത്തു​നി​ൽ​ക്കാ​തെ സ്വ​ത്തു​വ​ക​ക​ൾ ത​ക​ർ​ത്തു​ക​ള​യു​ക എ​ന്നി​ങ്ങ​നെ ​ബ്രി​ട്ടീ​ഷ്​​വാ​ഴ്ച​യെ അ​തി​ശ​യി​പ്പി​ക്കു​ന്ന മ​നു​ഷ്യ​ത്വ​ര​ഹി​ത​മാ​യ നി​യ​മ​വ്യ​വ​സ്ഥ​ക​ളാ​ണി​പ്പോ​ൾ യു.​പി​യ​ട​ക്കം ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ൾ ന​ട​പ്പാ​ക്കി​വ​രു​ന്ന​ത്. പ്രതിഷേധവുമായി ബന്ധപ്പെട്ട് 300ലേറെ പേരെയാണ് പോലീസ് അറസ്റ്റ് ചെയ്തത്. പ്രദേശത്തെ മുഴുവന്‍ മുസ്ലിം കുടുംബങ്ങളെയും പ്രാദേശിക ഭരണകൂടം നിര്‍ബന്ധപൂര്‍വം ഒഴിപ്പിച്ചു. പ്രവാചക നിന്ദയ്ക്കെതിരായ പ്രതിഷേധത്തില്‍ പങ്കെടുത്ത 70 പേരെയാണ് പ്രയാഗ് രാജില്‍ നിന്നും ഇതുവരെ അറസ്റ്റ് ചെയ്തത്.

                       മുസ്ലിംകളെ പ്രകോപിപ്പിക്കാൻ പ്രവാചകനെയോ വിശുദ്ധ ഗ്രന്ഥത്തെയോ അവഹേളിക്കുകയാണ് എളുപ്പവഴിയെന്ന് സയണിസ്റ്റുകളും സാമ്രാജ്യത്വവും പണ്ടേ കണ്ടെത്തിയിട്ടുണ്ട്. അതേ രീതിയാണ് സംഘ്പരിവാറും പയറ്റുന്നത്. യാഥാർത്ഥത്തിൽ Blasphemy അന്താരാഷ്ട്ര സമൂഹം തത്വത്തിൽ നിരാകരിക്കുകയും ലോകരാഷ്ട്രങ്ങൾ വ്യത്യസ്ത തരത്തിൽ കുറ്റകൃത്യമായി പരിഗണിക്കുകയും ചെയ്യുന്നതാണ്. ഇന്ത്യയിൽ ബ്രട്ടീഷ്ഭരണ കാലത്ത് തന്നെ നിലവിലുണ്ടായിരുന്ന അടിസ്ഥാന നിയമമിപ്പോൾ പീനൽകോഡിലെ 124 A , 153A , 153B,292 293 , 295 A പ്രകാരം പിഴ മുതൽ 3 വർഷം തടവ് വരെ ലഭിക്കാവുന്ന കുറ്റകൃത്യവുമാണ്. ആരാധ്യപാത്രങ്ങളെ അധിക്ഷേപമോ പരിഹാസമോ നടത്തി വിശ്വാസികൾക്ക് മനോവിഷമം വരുത്തുന്ന കൃത്യമെന്നാണ് പ്രസ്തുത കുറ്റത്തിന്റെ പൊതുവായ നിർവ്വചനം.ആവിഷ്ക്കാര സ്വാതന്ത്ര്യത്തിന്റെ ഭാഗമായ മതവിമർശനത്തിൽ നിന്നും ദൈവദൂഷണം വ്യത്യസ്തമാവുന്നത് ഉരിയാടപ്പെടുന്ന പരാമർശങ്ങളുടെ സന്ദർഭവും പ്രേരണയും അനുസരിച്ചാണ്.വാക്കുകളുടെ സഭ്യാസഭ്യതകളും വ്യക്തികളുടെ മാനാഭിമാനങ്ങളും പരസ്പരം വകവെച്ച് കൊടുത്തും ഉൾക്കൊണ്ടും കൊണ്ടല്ലാതെ ആധുനിക സമൂഹത്തിന് സുസ്ഥിര സമാധാനം കൈവരിക്കാൻ കഴിയില്ലെന്ന് മതാന്ധത(Bigotry)ക്കെതിരായ റെസലൂഷനിൽ യു എൻ ഒ നിരീക്ഷിച്ചിട്ടുണ്ട്. അന്താരാഷ്ട്ര നിയമവ്യവസ്ഥിതികൾക്കപ്പുറം സാമാന്യ മാനവികത പോലും നിർജീവമായവർ ഭരണസിരാകേന്ദ്രങ്ങളിലിരിക്കുമ്പോൾ ഇതെല്ലാം അപ്രസക്തമാണ്. 

                        പൊളിറ്റിക്കൽ അനലിസ്റ്റ് സൈനബ് സിക്കന്ദർ തന്റെ ‘ഇസ്ലാമോഫോബിയ ഇൻ ഇന്ത്യൻ മീഡിയ’ എന്ന പ്രബന്ധത്തിൽ എഴുതുന്നു; “മുസ്ലീങ്ങളെ ഭീകരവാദികൾ എന്ന് മുദ്രകുത്തിയുള്ള മാധ്യമങ്ങളുടെ നിരന്തര ആക്രമണത്തിലൂടെ ഇസ്ലാമോഫോബിയയുടെ കേന്ദ്രമാവുകയാണ് ഇന്ത്യ.” ഇന്ത്യൻ മുസ്ലിംകളെ പൈശാചികവൽക്കരിക്കുന്നത് വർഗീയ പ്രൈംടൈം ഷോകളാണെന്ന് അവർ പറയുന്നു. “ക്ലിക്ക്ബെയ്റ്റ്’ ആയ മുൻ പേജിലെ തലക്കെട്ടുകൾ, കമ്മ്യൂണിറ്റികൾക്കിടയിലെ വിള്ളലുകൾ ആഴത്തിലാക്കാനും “ഞങ്ങൾക്കെതിരെ അവർ” എന്ന ആശയം ഊട്ടി ഉറപ്പിക്കുന്നതുമാണ്” സിക്കന്ദർ എഴുതുന്നു.

                     ഗൗരിലങ്കേഷന്റെ ഒന്നാം ചരമദിനത്തിൽ 'ഇഫ് വി ഡു നോട്ട് റൈസ്' എന്ന ഹാഷ്ടാഗിൽ ട്വിറ്റർ സ്റ്റോമിന് തുടക്കമായിരുന്നു. നമ്മളുണരുന്നില്ലെങ്കിൽ പിന്നെ ആരാണ് ഈ നെറികേടുകൾക്കെതിരെ ശബ്ദിക്കാനുള്ളതെന്ന ചോദ്യമാണ് ഗൗരി ദിനത്തിൽ ഉയർന്നത്. വിസമ്മതത്തിന്റെ ജനാധിപത്യ തെരുവു രൂപത്തെ ഇത്രമേൽ ഭയപ്പെടുന്ന ഫാഷിസത്തിന് ബുൾഡോസറുകൾകൊണ്ടല്ലാതെ ജനകീയ സമരങ്ങളെ എങ്ങനെ നേരിടാമെന്ന് ഭരണഘടന നിവർത്തിവെച്ച് ജുഡീഷ്യറിയെങ്കിലും വിശദീകരിച്ചു കൊടുക്കണമെന്ന അഭ്യർഥനയാണ് ഇന്ത്യൻ പൗരസമൂഹത്തിന് മുന്നോട്ടുവെക്കാനുള്ളത്. അത്തരമൊരു രാജ്യത്ത് മിണ്ടാതിരിക്കുന്നവരാണ് ഏറ്റവും വലിയ കുറ്റവാളികൾ. അനീതി രാജ്യത്തെ കലാപത്തിലേക്ക് നയിക്കുമെന്ന് വിവേകമതികളായ എഴുത്തുകാർ, സാംസ്കാരിക പ്രവർത്തകർ, ബുദ്ധിജീവികൾ തെരുവിലിറങ്ങി വാ തുറന്നു പറയണം. അല്ലെങ്കിൽ ജനങ്ങൾ ഫാഷിസ്റ്റുകളോട് കണക്കു ചോദിക്കുന്ന ദിവസം തന്നെ അവരെയും ചോദ്യം ചെയ്യുമെന്നുറപ്പ്.

പി.കെ സഈദ് ഹസനി പൂനൂര്‍